Drauß'n in da Au! (Hanns Hunkele)

{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter} {Besucher}

Bernhard Schmautz
zum Ende der Seite

Mei Wiagn war drauß'n in da Au,
wo d'Isar durchi rauscht,
da hab i's erste Kindsmuas kriagt —
die erst'n Wörterl plauscht.

Die erst'n Schritterl hab' i g'macht
nach Giasing 'nauf auf d'Höh' —
und mit'n Vatern sonntags dann
am Kleinheßloher See.

D'Schulbank hab' i in Sendling druckt
mit no vui andre Fratz'n —
da hat 's die größte Gaudi geb'n
und a net z'weni Tatz'n!

Mei Lehrzeit hab' i absolviert
in Nymphenburg — vostehst;
trotz mancher Watsch'n is des doch
die schönste Zeit no gwest.

In Schwabing, in Haidhaus'n drauß'
hab' i dann g'schafft und g'werkt —
im Hofbräuhaus nach Feierab'nd
mi mit an Maßerl g'stärkt.

Und auf amal hat d'Münchner Stadt
mir nimmer recht behagt;
die Hoamat is zu eng mir word'n,
drum hab' i's Ranzerl packt.
    Bin 'naus in d'Fremd. Hab' manches g'seh'n,
Hamburg, Paris, Berlin —
Italien, Spanien, Ungarland
Und auch das schöne Wien.

Und doch — wenn i nach langer Zeit
mi' hab' am Hoamweg g'macht
und hab' von fern mei Münch'n g'seh'n,
hat s'Herz im Leib mir g'lacht!

Schö stad — schö langsam werd' i alt
und d'Haar werd'n a scho grau.
Mei Sinn steht nimmer nach da Fremd' —
i geh' jetzt 'naus in d'Au —

Nach Sendling und nach Nymphenburg,
nach Giasing und nach Loam,
geh' kreuz und quer durch d'Münchner Stadt,
denn da — bin i dahoam!

Und kimmt amal der Tag daher
just für die ewig' Ruah —
dann legt's mi 'nei' und schaufet's mi
mit Münchner Erd'n zua.

Wo i den erst'n Schritt hab' g'macht,
des erste Wörterl plauscht,
da lieg' i gern für d'Ewigkeit —
dort — wo die Isar rauscht!

zum Anfang der Seite

{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter}