Fahna Boarische Schbrich, Sprüch auf Boarisch, Bairische Sprüche, Bayerische Sprüche : Wen Fahna
{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter} {Besucher}

Bernhard Schmautz
zum Ende der Seite Huif ma  Kalenda  Runtahoin  Suacha

ABDDaDeDuEFGH I JKLMNOPRSSchStUVWWasWeaWenWiaZ ]

(Jetzt sans scho Anzahl Schbrich! De letztn zehne!)
Wenn a kemma ko, kimmd a.
Wenn a need kemma ko, kimmd a kamm.
Wenn am Mondåg Dinsdåg waar, dann waar am Mittwoch Donnasdåg,
awa weil am Freidåg need Samsdåg is, drum is am Sonndåg Sonndåg.
(dees is vom F.X. aus Mering in Oberbayern, 13.04.2006)
Wenn an Antoni (17.01.) d'Luft is klar, gibds gean a druckas Jåhr.
Wenn a oide Heena noamoi zum Glucka ofangd, dann gheads in Suppmhåfa.
Wenn a oide Hüttn brennd, brennds gscheid.
Wenn da Abrui blåsd in sei Horn, schdähds guad um Hei und Korn.
Wenn da Abrui Schbekdakl machd, gibds Korn und Hei in voia Brachd.
Wenn da a Daum aufn Kopf scheißd, dann sei froh, dass d'Kia need fliagn keena.
Wenn da Bäädlmo aufs Roos kummd, kon an koa Deife mea dareitn.
Wenn da Bäädlmo aufs Roos kummd, kon as nimma dahoitn.
Wenn da Baua need schwimma ko, is de Bådehosn schuid.
Wenn da Bayer need muaß, riad a weda Hand no Fuaß.
Wenn da Deife Kinda griagd, dann griagd ar an hauffa.
Wenn da Deife nix mehr ausrichd, dann schickd ar a oids Wei.
Wenn da Gaul gschdoin is, brauchd ma de Schdoidia nimma zuamacha.
Wenn da Gscheide wås sågd, dann lachan d'Narrn.
Wenn da Himme is wiar a Fisch, rengds in 24 Schdundn ganz gwieß.
(gwussd vom F.X. aus Mering in Oberbayern, 13.04.2006)
Wenn da Himme runtafoid, san ålle Schbåtzn doud.
Wenn da Hund need gschissn hääd, hääd ar an Håsn dawischd.
Wenn da Novemba blitzd und grachd, im naxdn Jåhr da Baua lachd.
Wenn da Ox an Deichsl kummd, dann woaß a, dass a ziagn muaß.
Wenn da Rochus (16.08.) driab schaud, kummd d'Raupn ins Graud.
Wenn d'Dummheid radln kunnt, miaßadsd bergauf bremsn.
(gwussd vom Peter aus München in Oberbayern, 24.09.2015)
Wenn d'Dummheid wäh daad, miaßadsd an ganzn Dåg lang schrein.
(gwussd vom Peter aus München in Oberbayern, 25.06.2017)
Wenn de amoi schdiabd, dann muaß ma s'Mei exdra daschlågn.
Wenn de Apfebaam blian, soi da Ofa glian.
Wenn dees a so is, dass de Kua koa Grås frissd, dann betonian ma d'Wiesn.
Wenn dees 'wenn' need waar, waar da Kuadreeg ar a Schmoiz.
(gwussd vom Walter aus Unterhaching in Oberbayern, 21.05.2009)
Wenn de Goaß wui, dann kummd da Bock grennd.
(frei nach Jack Lemmon aus dem Film "Immer noch ein seltsames Paar")
Wenn dei Dummheid a Wärm abgabat, kannt ma an Hergott d'Sunn zruckgebm.
Wenn de Kua in Brunna gfoin is, håds koan Zweck mea, dass mar an Deckl draufduad.
Wenn de Leid need schbinna, dann frieß i an Bäsn zsammdn Schdui.
Wenn d'Katz ausm Haus is, håd d'Maus an Kiada.
Wenn d'Maria heid (02.07.) bei Regn übas Gebirg gähd,
kummd's im Regn wieda (15.08.).
Wenn d'Schua gnarzn, sans no need zoid.
Wenn d'Wurschd so dick wia s'Broud is, iss Wurschd wia dick as Broud is.
Wenn i an Huad hääd, lupfaden, wenn i an Schmei häd, schnupfaden.
Wenn i di sieg, dann gähd ma s'Messa in da Daschn auf.
Wenn i gwussd hääd, dass mei Kua a Grås frissd, dann hääd i mein Acker need teert.
Wenn im Juli de Biena hoch baun, konnsd de nåch Hoiz und Dorf umschaun.
Wenn im Novemba Donna roid, wead am Droad (Getreide) Lob zoid.
Wenn i såg: "Nam Gotts Nam", dann gähds an Deife an Dreeg oo.
Wenn i, waar i, hääd i.
Wenn ma den ganzn Dåg Zwäifeleitn head, is mar in Rom.
Wenn ma Heena hättn, gagadns.
Wenn ma Singal hättn, zwiagdns.
Wei ma koane Heena und koane Singal ham,
wead nix gagazd und nix zwiagazd.
(Niedaboarischa Spruch)
Wenn mar an Esl nennd, kummd a grennd.
Wenn nåß und koid da Juni war, vadiabd a meistns as ganze Jåhr.
Wenn neamads mea heiradt und neamads mea schdiabd,
da Pfarra, da Messner und s'Doudnweib vadiabd.
(Georg Lohmeier: Königlich Bayerisches Amtsgericht, "Der Leichenbitter", ZDF 14.04.1969)
Wenn oana scho an ganzn Dåg nix duad, dann mächd a wenigstns auf d'Nåchd sei Ruah håbm.
Wenns am Karfreidåg schdürmd und schneibd, dann is Osdan nimma weid.
Wenns am schensdn is, soi ma aufhean.
Wenns an Sonndåg varengd håd, kon d'Wocha oiwei no sechs scheene Däg håbm.
Wenn s'Arschal brummd, is s'Herzal gsund.
Wenns da Hornung (Februar) gnäde machd, bringd da Lenz (Frühling) an Frost auf d'Nåchd.
Wennsd an Schaber umbindsd, dann muaßd arwadn.
Wennsd as bessa woaßd, mach du an Buagamoasda.
Wennsd globd wean wuisd, brauchsd bloß schdeam.
Wennsd koane Erbm håsd, arbadsd am Deife in d'Hend.
Wennsd moansd, über di sågd neamd nix, muaßd grad deine Ohrn ins Land schicka.
Wennsd need jung schdiabsd, weasd oid.
(gwussd von da Frieda aus Grassau in Oberbayern, 23.12.2003)
Wennsd need oid wean wuisd, na muaßd de jung aufhenga.
Wennsd nix leana wuisd, dann muaßd d'Schaufe in d'Hand nemma.
Wennsd so lang waarsd wia bläd, dann kanntsd aus da Dåchrinna saufa!
(gwussd vom Peter aus München in Oberbayern, 25.08.2012)
Wenns guad is, brauchds need wene sei!
(gwussd vom Erich aus Fürstenfeldbruck in Oberbayern, 22.01.2012)
Wenns im Hornung (Februar) nimma schneibd, kummd de Käitn auf d'Osdazeid.
Wenns koane Gnedl gibd, is need gessn.
Wenns leichd gang, gähads.
Wenns need wåhr is, nacha iss schee glogn.
Wenns no gråd rang, dass da Dreeg schbrang.
Wenns Wassa kochd, ghean d'Gnedl eiglegd.
Wenns woin, fressns oam aus der Hand.
Hamms gfressn, beißns.
Wenn wea wo a Kindl findt, dann nennd ma dees a Findlkind.

zum Anfang der Seite

{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter}