Fahna Boarische Schbrich, Sprüch auf Boarisch, Bairische Sprüche, Bayerische Sprüche : Wea Fahna
{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter} {Besucher}

Bernhard Schmautz
zum Ende der Seite Huif ma  Kalenda  Runtahoin  Suacha

ABDDaDeDuEFGH I JKLMNOPRSSchStUVWWasWeaWenWiaZ ]

(Jetzt sans scho Anzahl Schbrich! De letztn zehne!)
Wea a Gnächd is, soi a Gnächd bleibm.
Wea a grouß Maul håd, muaß an broadn Buckl håbm.
Wea ålle Dåg feiad, frågd freile need nåchm Sonndåg.
Wea an Engl suachd und nua auf de Flügl schaugd, kon mid a Gans hoamkemma.
(frei nach Georg Christoph Lichtenberg)
Wea an guadn Hanswuaschdl macha kon, dea kon aa wås Bessas.
Wea A sågd, muaß aa B sågn.
Wea auf Benno (16.06.) baud, griagd aa vui Graud.
Wea auf Gott vadraud, dea brauchd koa Graud.
(gwussd von da Lisbeth aus Grassau in Oberbayern, Dezember 2003)
Wea de Goaß im Haus håd, dem kummd da Bock vor de Dia.
Wea de Hitz need vadrågd, håd in da Küch nix valoan.
Wea drotzd bei da Schüssl, dea schådt se beim Rüssl.
"Wead scho liachta", håd da Bauer gsågd, wia eam da Schdurm s'Dåch åbdeckt håd.
(gwussd von da Monika aus ?, 01.02.2011)
Wead scho wieda wean, sågt d'Frau Kern.
Bei da Frau Horn iss a wieda worn.
Bei da Wimmer wars no schlimmer.
Wea Erdepfe måg und d'Arwad need scheid, ko se im Leem a bår scheene Dåg macha.
(gwussd vom Done aus Dorfen in Oberbayern, April 2002)
Wea griachd, kon need schdoibban.
Wea gschdorm is, muaß deswegn no lang need glebd håbm.
Wea guad dengln ko, dea ko guad danzn.
Wea guade Notn håd, den freids.
Wea schlechde Notn håd, den reids.
Wea håd, dea håd.
Wea koa Glegnheid håd, ko leichd brav sei.
Wea koa Hoamat håd, dea håd koa Kraft.
Wea ko, dea ko.
(Münchner Spruch vom Pferdehändler und Lohnkutscher Franz Xaver Krenkl. Er sagte das zum Kronprinz Ludwig, dem späteren König Ludwig I., als er dessen Kutsche mit seinem prächtigen Vierergespann im Englischen Garten verbotenerweise überholte;
Franz Xaver Krenkl, 1780 - 1860, beerdigt im Alten Südfriedhof München.)
Wea lang frågd, gähd lang irr.
Wea lang huasd, lebd lang.
Wea mim Deife ins Bett gähd, muaß aa mid eam vegln.
Wea mim Deife issd, muaß an langa Leffe håbm.
Wea nåch Gäid und Sach heiradt, wead imma unglücklich.
Wea nia fuatgähd, kummd aa nia hoam.
Wea nia kummd, valangd aa nia wås.
Wea nix daheiradt und nix daeabd, dea bleibd a Narr bis dass a schdeabd.
Wea nix Gscheids zum Sågn håd, soi oafach sei Mei hoitn.
(gwussd vom Peter aus München in Oberbayern, 26.10.2016)
Wea nix is und wea nix ko, dea gähd zua Bosd und Eisnboh.
(... und wea går nix wead, wead Wirt.)
Wea oam an guadn Såg leichd, deaf froh sei, wenn an zrissn zruckgriagd.
(gwussd vom Richard aus Weißbach in Oberbayern, 11.06.2013)
Wea Oar håbm wui, muaß se s'Gackan gfoin lassn.
(gwussd vom Richard aus Weißbach in Oberbayern, 11.06.2013)
Wea oiss ko, ko nix.
Wea rechd håd, zoid a Mass.
Wea se mim Heiradn vaduad, kon seine guadn Dåg mid da Leich geh.
Wea s'Glück håd, bei dem ko da Hoizschlegl im Hirn drom käiban.
Weas måg, füa deen is dees as Hexde.
Wea s'Mei need aufmachd, muaß an Gäidbeidl aufmacha.
Weas vaschdähd, dea ko aa hindam Ofa dafrian.
Wea vom Rathaus kummd is gscheida.
(Hinterher ist man immer klüger.)
Wea Würm håd, is nia alloa.
Wea zletzd lachd, håds need eha begriffa.
(gwussd vom Peter aus München in Oberbayern, 26.02.2009)
Wea zoid, is frei.
Wea zoid, schaffd o.
Wea zua Wassasuppm daugd (geborn is), weads nia zum Schweinsbrådn bringa.

zum Anfang der Seite

{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter}