Fahna Boarische Schbrich, Sprüch auf Boarisch, Bairische Sprüche, Bayerische Sprüche : Da Fahna
{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter} {Besucher}

Bernhard Schmautz
zum Ende der Seite Huif ma  Kalenda  Runtahoin  Suacha

ABDDaDeDuEFGH I JKLMNOPRSSchStUVWWasWeaWenWiaZ ]

(Jetzt sans scho Anzahl Schbrich! De letztn zehne!)
Da Abrui machd wås a wui.
Da Apfe foid need weid vom Schdamm.
Da Auffahrtsdåg (Christi Himmelfahrt) lassd d'Bremsn aus.
Da August muaß a Hitzn håbm, sunsd wead da Obstbaamsegn begråbm.
Da Baua muaß oiwei hundat Jåhr weida denga ois wiar a lebd.
(... wenn es um die Erben geht)
Då beißds aus.
Då bin i då wiar a Brezn (Uhrzoaga).
(pünktlich sein)
Då daad a da (ma) aa schdinga.
Då daugds ma.
(gwussd vom Peter aus München in Oberbayern, 22.04.2013)
Da Deife huifd seine Leid, awa hoin duad as aa.
(gwussd vom Franz aus München in Oberbayern, 06.03.2005)
Da Deife lassd se need umasunsd an d'Wand moin.
Da Deife scheißd oiwei aufn grässdn Haufa.
Da Didalitsch håds Gäid valoan, da Gagalatsch håds gfuna,
da Leckmenåsch is nåchegrennd und håds eam wieda gnuma.
Da Doud håd no koan vagessn.
Da Doud is dees schensde End von am schwaarn Weg.
Da Draurige schdiabd oiwei friara ois wia da Lusdige.
Da Dreeg wardt und d'Sau suachd.
(... sagt man, wenn zwei Sachen zwangsläufig zusammenkommen, ohne dass man viel dazu tun muß)
(gwussd vom Willy aus Bad Reichenhall in Oberbayern, 29.07.2010)
Da Duida is genauso schlechd ois wia da Schuida.
Da dümmste Baua håd de grässdn Kardoffen.
Da Ehschdand is a Wehschdand.
Då fäids ja um de ganze Neihausa Schdrass.
(Münchner Spruch)
Da Februar muaß schdürma und blåsn, soi as Viech im Lenzn gråsn.
Da Florian (04.05.) noch schneien kann.
Da Franzos schdreidt ums Elsass,
da Russ schdreidt ums Gäid,
i schdreidt um an Bauanhof
und pfeif auf de Wäid.
(Lena Christ, 1881-1920,"Die Rumplhanni")
Dafroan san scho vui, awa daschdunga is no koana.
Då gäds zua wia am Schdachus.
(Münchner Spruch)
Da Gast und da Fisch schdingan am drittn Dåg.
Då gherad i ja mim Bierschlegl kambed!
(nicht mehr ganz normal sein)
(gwussd vom Peter aus München in Oberbayern, 25.08.2012)
Då gibds koan Radi need.
(gwussd vom Peter aus München in Oberbayern, 20.12.2012)
Da Glaabm machd selig,
da Haaring machd Durschd,
da Pfarra machd d'Bredigd,
da Metzga machd d'Wurschd.
Da Gockl, dear am laudasdn grahd, schdäd aa bloß auf am Misthaufa.
Då griagd a Lusa (Ohren) so grouß wia Graudblaadl.
(... sagt man, wenn jemand sehr neugierig ist und versucht, möglichst alles zu hören)
Da Gscheidare gibd nåch und da Esl foid an Båch.
Da Gscheide lebd von de Dumma und da Dumme von da Arbad.
Da Gsunde håd neinzg Wünsch, da Kranke nua oan.
Då håd da Åsch Kiada.
(... dann gibt es Schläge auf den Hintern)
Då håd s'Keiwe Leis.
(Gleich setzt es was.)
Da Herr gib eam de ewige Ruah und a Mass Bia dazua.
Da Herrgott sigd oiß, awar a Hausmoasda sigd no vui mehra.
(gwussd vom Peter aus München in Oberbayern, 27.09.2016)
Dahoam is dahoam.
(Johannes Turmair alias Aventinus, 1477-1534, sagte mit anderen Worten: Extra Bavariam non est vita, et si est vita, non est ita.)
Dahoam schdeam d'Leid.
(...oda håsd du scho amoi oan im Wirtshaus schdeam sägn?)
(gwussd vom Franz aus München in Oberbayern, 29.06.2006)
Då hockan de, de wo oiwei då hockan.
(Stammtischspruch, gwussd von da Roswita aus Flintsbach am Inn in Oberbayern, Anfang 07.2008)
Da Hopfagartn is wiar a Nonnakloster, då deaf koa Mo nei.
(Hopfenspruch)
Da Hopfa wui jädn Dåg sein Herrn sägn.
(Hopfenspruch)
Då huifd koa Gott, wenn da Deife in d'Weiba neifahrd.
Då is a Leffe voi midganga.
(... sagte meine Oma nach einem feuchten Flatus)
Då is da Wurm drin.
(wenn etwas misslingt)
Då is Dreeg Drumpf.
(gwussd vom Peter aus München in Oberbayern, 07.04.2013)
Da Januar muaß gracha, soi da Frühling lacha.
Då keen i koan Bahnhof, i schdeig aus, wo da Zug hoit.
Då konnsd d'Sau fuadan.
(gwussd vom Peter aus München in Oberbayern, 22.04.2013)
Då konnsd mi fitzemagoggaln.
(gwussd vom Uli aus Wien in Österreich, 08.07.2010)
Da Kren wui jädn Dåg sein Herrn sägn.
Då kummd oam ja s'Saugrausn.
(gwussd vom Peter aus München in Oberbayern, 20.12.2012)
Da Lauscha an da Wand head sei eigne Schand.
Då legsd de nieda und schdähsd nimma auf.
Då machsd wås mid, bisd Großvadda bisd.
Da Mai bringd Bleamen fias Gsichd, awar am Mågn koane Früchd.
Da Mensch is guad, awa de Leid san a Gsindl.
Da Mensch is wiar a oide Hosn, auf de Gnia wead a zeaschd hie.
(Franz von Kobell, 1803-1882)
Da Mensch wead oid wiar a Kua und leand imma no dazua.
Dampfnudln hamma gesdan ghabt,
Dampfnudln hamma heid,
Dampfnudln hamma ålle Dåg,
dees is a Freid.
... dann is da Kaas gfressn (bissn).
(... dann ist alles aus/erledigt)
Da oane griagd s'Bia und da anda an Foam.
Da Oba schdicht an Unta.
Da Oidåg machd s'Jåhr.
Da oide Wein kosd oiwei mehra wia da junge.
Da Ossa is schbitzig, da Arba is rund, und an Xare sei Nåsn wiegd dreidausad Pfund.
Da Pfarra bredigd bloß oamoi.
Da Rausch vagähd, de Dummheid bleibd.
Da Salåd schmeckd am besdn, wann a duach d'Sau ganga is.
Då schaugds ja aus wia Graud und Ruam.
(gwussd vom Peter aus München in Oberbayern, 20.12.2012)
Då schaugsd awa oid aus.
(gwussd vom Peter aus München in Oberbayern, 25.06.2017)
Då schaugsd mim Ofarohr ins Gebirg.
Da Schbåtz in da Hand is ma liawa ois wia de Daum aufm Dåch.
Da Schdådara håd a Maare.
(Der Stadtmensch hat Geld.)
(gwussd vom Franz aus München in Oberbayern, 10.11.2013)
Dåschdeh ois wiar a ogmoida Türk.
Da Schuasda griagd de neia Schuach oiwei zletzd.
(Sich um fremde Angelegenheiten bekümmern und darüber die eigenen versäumen.)
Då soachd d'Katz links.
(Gleich setzt es was.)
Dassd de dafoist, brauchsd nix wia Haxn.
Da Summa is umma.
Da Tau duad am August so noud, wiar an jädn as tägliche Broud.
Då, wo i hieschlåg, waxd koa Grås mea.

zum Anfang der Seite

{HOME} {Awards} {Bewertung} {Boarische Schbrich} {Bücher} {Datenschutz} {Download} {Drucken} {Empfehlung} {English} {Favorit} {Fragen} {Français} {Gästebuch} {Gedanken} {Gedichte} {Grafiken} {Hintergrundmusik} {Impressum} {Kontakt} {Linkliste} {Lummerland} {Menschen} {Mischmasch} {Musikbox} {Pinnwand} {Privat} {Puzzle} {Radio} {Sitemap} {Stadtplan} {Stand} {Startseite} {Suchen} {Suchmaschinen} {Umfrage} {Wetter}